Të premten (28 shkurt), Jelena Gjukanoviq, u arrestua në regjionin e Mitrovicës nen dyshimin se kishte kryer aktivitete të spiunazhit për BIA-n.

Gjykata Themelore në Prishtinë sot Gjukanoviqit i ka caktuar masën e paraburgimit prej një muaj.

Lidhur me këtë çështje ka reaguar Organizata për Bashkëpunim dhe Siguri në Evropë (OSBE) pasi që në media raportohej se Gjukanoviq ishte punonjëse e kësaj organizate.

OSBE në reagim thotë se janë në dijeni bazuar nga raportimet e mediave dhe se janë kontakt me përfaqësuesin e tyre ligjor.

Tutje në reagim thuhet se ky mision, nuk mund të komentojë më tej për këtë rast për shkak të hetimeve në vazhdim, duke shtuar se mbetet i përkushtuar për të bashkëpunuar me autoritetet përkatëse.

“Misioni është në kontakt si me institucionet përkatëse ashtu edhe me Sekretariatin e OSBE-së në Vjenë për të siguruar respektimin e procesit të duhur”, thuhet në reagim./Arbresh.info

LEXO EDHE:

Një muaj paraburgim ndaj të dyshuarës për spiunazh